नेपालगन्ज : बाँकेकाे नेपालगन्ज यतिबेला फूलैफूलको शहरका रुपमा परिचित बन्न थालेको देखिएको छ । केही पहिले उजाड सुर्खेतराेड अहिले हरियाली बनिरहेको छ ।
विशेषगरी सडकमा र बगैँचा मात्र होइन छत र घरभित्र पनि फूलैफूलले घर तथा पसल सजाइएका छन् ।नेपालगन्जवासीको फूल र बिरुवाप्रतिको लगावका कारण अब नेपालगन्जलाई हरियाली सहर भन्नेपर्ने हरित अभियान्ता हेमन्त काफ्ले बताउँछन् ।
अहिले यहाँ घरसँगै अलिकति खाली ठाउँ छाडेर फूल र बोटबिरुवा रोप्ने चलनै छ ।अहिले त सडकको छेउछाउ र खोलाको किनारमा पनि फूल रोप्ने अभियान नै सञ्चालन भइरहेको अर्का अभियाज्ता विनाेद कर्ण बताउँछन् ।
नेपालगन्ज नगरमा श्रमदान अभियानमार्फ यसअघि सयौं थरिका बोटबिरुवा रोपिएका थिए । तर, उपमहानगरपालिकाकाे उदासीनताले केही बिरुवा नष्ट भइसकेका छन ।
कतिपय त फूललाई सौखका रुपमा रोप्दारोप्दै व्यवसायी बनेर राम्रो आम्दानी पनि गरिरहेका छन् । नेपालगन्ज उपमहानगरपालिका-२० की बिन्दु चर्ती मगर जस्ता धेरै महिलाले फूलकाे गतिलाे व्यवसाय नै हाँकेका छन ।
कतै बगानबेली, कतै लालुपाते त कतै विभिन्न रङ्गीचङ्गी फूलले अहिले नेपालगन्जकाे शाेभा बढाएको छ । तर, हब यसकाे स्वभामा कमी आउनदिन हुँदैन ।
सौखले फूल र बिरुवा रोप्न थालेका नागरिक फुल र बिरुवा लाई आफ्नै सन्तान झैँ स्याहार्छन । पछिल्लो समय नेपालगन्जवासीको फूलसँगको सामिप्यताकै कारण यसलाई फूलको सहर भनेर समेत चिन्ने सकिने भएको छ
तर, नागरिकलाई फूलप्रति आकर्षण मात्र होइन, व्यावसायिक पनि बनाउने तर्फ भने उपमहानगरपालिकाकाे ध्यान जान सकेकाे देखिदैन ।
