नेपालगन्ज : बाँके बैजनाथ गाउँपालिकाकाे नौवस्ता कारागारमा क्षमताभन्दा बढी कैदीबन्दी बस्नु पर्दा गेट देखि वेडसम्म बिभिन्न समस्या देखिएका छन ।
यी समस्याकाे दिर्घकालिन समाधानका लागि बाँके सिडिओ र समग्र सुरक्षा संयन्त्र तथा यहाँका जनप्रतिनिधि उदासीन छन ।
बेलाबेलामा चटक देखाउन अनुगमन गरिने गरिए पनि अनुगमनमा देखिएका समस्या समाधानमा काेही जिम्मेवार र सक्रिय देखिदैनन ।
यसले यहाँका कैदीबन्दीलाई आश्वासन र ललिपप देखाउने मात्रै काम भएको स्पष्ट देखिएकाे छ ।
साजाे एकै कोठामा १२ देखि ४० जनासम्म बस्नुपर्ने बाध्यता, कारागारमा ३२ वटा शौचालयमा क्षमता भन्दा बढी कैदीबन्दी हुँदा पालो पर्खनु पर्ने, छिटै शौचालयको सेफ्टी टंकी भरिने समस्तया छन ।
कारागारमा पढाउने शिक्षकको ब्यवस्था नभएको, कारागार गृह भित्र पसलमा बढी मुल्यमा सामान किन्न परेको लगायतका दर्जनाै सामान्य समस्याकाे समेत समाधानमा कसैले चासाे देखाएको देखिदैन ।
पटक/ पटक हुने चटक झै अहिले पनि बाँकेका सिडिओेकाे नेतृत्वमा केही गाेजीका अधिकारकर्मीकाे झुण्डले अनुगमन गरेकाे भनिएकाे छ ।
तर, सामान्य समस्याकाे समाधान पनि खाेज्न नसकेकाे देखिँदा यस्ता अनुगमन अर्थहीन हुँदै आएका छन ।
कैदीबन्दीका गुनासा सुनेका सिडिओ धर्मराज जाेशीले कैदीबन्दीले पाउने सुबिधा दिलाउन आफु प्रर्यत्नसिल रहेको बिगतका सिडिओेले भन्ने गरे झै रेडिमेट प्रतिबद्वता जनाएका छन ।
