दशगजाभित्र के गर्न पाइने के गर्न नपाइने भन्ने राष्ट्रिय, अन्तर्राष्ट्रिय तथा द्विदेशीय कानुन हुन्छन्। सोही आधारमा मापदण्ड तयार पारिएको हुन्छ। जुन दुवै देशले पालना गर्नुपर्ने हुन्छ।
तर, भारतले दशगजा क्षेत्रको जमिन छुने गरी काँडेतार निर्माण गरेको छ। बाँध जस्तो निर्माण गरिएको सडक छेउछाउमा बिरुवा लगाएको छ। सोही बिरुवालाई गाईबस्तुबाट जोगाउन काँडेतार लगाइएको हुन सक्ने स्थानीयले बताएका छन्। जुनसुकै उद्देश्य भए पनि, उक्त काँडेतार दशगजा क्षेत्र पनि ओगटिएको छ।
नेपालतर्फ पर्ने दुईवटा काँडेतारमध्ये पहिलो काँडेतार सीमा क्षेत्रमा गाडिएको पिल्लरमध्ये करिब सात/आठ मिटरसम्म गाडिएको छ। दोस्रो १२ देखि १४ मिटरसम्ममा छ भने सडकको अर्को पट्टि अर्थात् भारततर्फ पनि काँडेतार लगाइएको छ।
जहाँ दशगजामा पर्ने तीस मिटर जमिनमा दुवै देशले केही गर्न पाउँदैनन्। सीमा क्षेत्र अनुगमन गर्दा उक्त काँडेतार सडक छेउमा लगाइएका बोटबिरुवाको रेखदेखकै लागि लगाइएको जस्तो देखिए पनि बाँकेका प्रमुख जिल्ला अधिकारी दिलबहादुर तामाङ्ग लगायत सुरक्षा संयन्त्रले भने यस बिषयमा स्थलगत हेरफेर समेत गर्न सकेकाे छैन ।
तर, उता भारतीय पुलिसले चोरीसिकारी र तस्करी रोक्न भारतले आफ्नो भूभागमा काँडेतार लगाएको दाबी गरेका छन। तर, यसरी तारबार गर्दा भारतले नेपालकाे सुरक्षा निकायसँ कुनै समन्वय गरेको छैन ।
यद्यपि स्थानीयका अनुसार भारतले दशगजा यता नैतारबार गरेकाे छ । जसकाे नेपालगन्ज स्थित सराेकारवालाले सामान्य अनुगमन र अवलाेकन समेत नगरेकाे स्था जमुनाहबासी बताउँछन् ।
